و خاقان دخى اولكون ديوان كيوان ايواننك تزيين و تحسيننى اضعاف ايدرك مانند ديوان اسكندر صاحب يونان اولوب اولكون جميع وزرا و امرا و سائر جوانبدن كلان الچيلرى و اكابر و اعيانى ضيافت ايدر و اوچنجى دربند سراينك بر جانبنده خاقان چينك ولى عهد اولان اوغلنك بر ديوانكاهى واردر كه ييلده اوچكره خاقان حضورينه اولان امرانك ديواننه جمع اولورلر و سائر اكابر و اعيان خاقانك ديواننده حاضر اولدقلرى مثللوانك حضورينه حاضر اولورلر صاحب كتابدن منقولدر كه بزم زمانمزده خاقان فوت اولوب حضورينه وارديغمز اول پسر خورشيد طلعت عطارد فطنت پدرنيك تختنه جلوس ايتدكده واقعه سنده سيد انبيا و سند اصفيا اكمل التحيا افنديمزى كوروب حضور سعادتلرنده ايمان ايله مشرف اولمش و اوياندقده حجره‌سنك ديوارنده يشيل خطله كلمهء شهادتى يازلمش كورمسيله اولزمانده خانبالغده علماء اسلامدن بر عظيم الشان و ساطع البرهان كمسنه اولمغله اول ذات شريفى جلب ايدوب اسلامنى اظهار و اشعار ايلمش ايرتسى وزرا و امراى خطاى ايشيدوب مشار اليهه ايلديكك خلاف قانونمزدر ديدكلرنده خاقان عدالتعنوان انلره ظاهر ابنم سزك قانونكزه مخالفتم يوقدر و بنم سزك باطنكرده اولان خلاف قانونه حكمم وارميدر سزدخى بنم باطنده اولان اموره دخلكز اولمسون ديدكده بو جوابله جمله‌سى اسكات و الزام اولديلر باقى امورى محلنده ذكر اولنور و نقل ايدرلر كه پادشاه اولوب قانونلرى اوزره ديوانده حكم و حكومتد نصكره حلوتنده بر نيم تخت اوزره تواضعا بر زمان اياق اوزره طوروب بعده حضرت حقه نياز ايده‌رك سجده ايدوب حرمى جانبنه كيدر ايمش ديوان خلقيدخى بعده محللرينه كيدرلر ايمش و اول پادشاه عالميناه زماننده غايت عدلندن سائر خاقانلرك خزائن و دفائنتدن زياده بر كريجى التون و بر كريجى كموشدن يكرمى خزينه بنا اولنوب ايچلرينه دخى دكرمن طاشلرى كبى زنجيرلر ايله التون و كموش اصيله رق مالامال مملو اولمش باب تاسع ملك خطانك اون‌ايكى قسمى تفصيل و بياننده در مصنف ايدر ملك چينك اون‌ايكى قسمندن بر قسمنده ايكى اى يوريدك قسم اولنه شنلسى ديرلر بو قسمك شهرلرينك ادى كنجان قو و كنجو سوجو و دنك جو بو اوج شهر ده مسك حاصل اولور غيرى شهرلرده اولماز وينه بو قسمده جولان فو و كلا نفو و حونانفو بو اوج شهرده راوند اعلا حاصل اولور و حنديفو و حبديفو و بيلانفو بو شهرلر